ـ1ـ
مسا الخير للجميع..
أهلا وسهلا فيكم بقصر الأونيسكو..
ـ2ـ
أنا كتير فرحان إنّو هالمناسبه عم بتصير بالقصر، لأكتر من سبب.
السبب الأول.. هوّي انو عم نكرّم كبار الشعراء والمثقفين في لبنان المقيم والمغترب.
السبب التاني.. انو هالمناسبه بتشبه جسر تواصل بين لبنان المقيم ولبنان المغترب.
ـ3ـ
بتمنى إنو هالمناسبه تفتح آفاق للعمالقه والمبدعين المهجريين، ويكون هالاحتفال مبعث تحفيز إنّو يطلّوا ع لبنان المقيم من خلال قصر الأونيسكو، لاستقبال التواصل بين لبنان المقيم ولبنان المغترب.
ليس فقط بالاتصال، أو بأي شكل آخر، إنما بتنمية الثقافة اللي هيي بتشد الأواصر أكتر من أيّا شي تاني.
ـ4ـ
أنا بدي شد ع إيد الدكتورة بهية ابو حمد، وأهنىء المكرمين، وأشيد بالجمهور اللي جايي عم يحضر هالمناسبه الكبيره.
ـ5ـ
نحنا بيشرفنا وجودكم، وقصر الأونيسكو بيكبر فيكم، متل ما انتو بتكبروا لمن بيكون قصر الأونيسكو كبير.
وأهلا وسهلا فيكم.
**
