قصيدة الشاعر انطوان سعاده في يوبيل جائزة شربل بعيني الفضي في قصر الاونيسكو ـ بيروت

ـ1ـ
‎مشيت الكلمــــة وقــــالت الحقنـــي
​​بلش حنين الشوق يحرقنــــــــي
‎هديني فكر ضوي بطريقي شموع
​​وبكوكب الابــــداع عــــــلقنــــــــي
‎قلت روقــــي بعدنـــــي موجـــــــــــوع ​​
قــــــــــــالت اذا بتريد طلقنـــــــــي
‎قلت الطـــــــلاق بشرعنــــا ممــنوع
​​قــــالت دخيلك لا تضايقنـــــــــي
‎جـرب اذا بتريــــد شد طلــــــــــــــوع ​​​
وعا رموش عين الشعر مرقني
‎وعـــا مفرق الايــــــــام رش دموع
​​​بلكي بزهّر ورد عـــــــــــالمفرق
‎ويمرق عريس الشعر يسرقني
 ـ2ـ
‎وين الشعر هون الشعر موجود
‎​​​يا عيون لمي دموعك بقربـي
‎وضلي ضحكي تا يفقع الموعود​​ ​
‎وما تداعبي افكار مضطربــي
‎الشعر منحبـــــــو اذا مولــــــــــــــود
​​​من ليل مطعون بقسا الحربي
‎يا شعر نحنـــــــــــا واقفين شهود
​​​وشربل بعيني بقربك وقربـــــي
‎ومن غربة الحلم لما بدو يعود ​​​
‎يا منزرعك غربي بدون قطاف
‎يا منقطفك من صفحة الغربي
ـ3ـ
‎شربل يـا ريت بتصدق الاحلام ​​​
بشاعر وسع هالكون ما ساعو
‎من هيك مش زعلان هالايــــام
​​​ومـــــا تزعل على لضاع ولضـــاعو
‎بعرف غني نايم عا ريش نعام
​​​البزخ الترف والمـــــال اتبـــــــاعو
‎ما بيحسدوه الناس والايتـــــــام ​​​
ما بيقصدو بابو ولو جـــــــــاعو
‎والشاعر القلقان مــــــــــــا بينام
​​​بيصرف حيـــــــاتو كلها موجوع
‎وبتحسدو العالم عا اوجاعو

 ـ4ـ
 ‎قصر الاونيسكو قصر للفكر العليم​​
وجودو ثقافتنا العظيمة عايزي
‎بيرشد زمانك عـا لطريق المستقيم​​
بيفتح بوابو للعقول الفـــــــايزي
‎ولما دخلت عا قاعة الذوق السليم​​
شفت الوجوه الغاليه المتمايزي
‎وشايف بعقلي شربل بعيني العظيم​​
وشايف بروحي طهر روحك يا عصام
‎وشايف بعينيي جمال الجايزي
ـ5ـ
‎ما تفزعو عا الموهبي يـــــا مثقفين ​​
‎ولا توقعو بزنزانــــة العصر الحزين
‎ما زال عنــــــــا شربل بعيني الامين ​​
وعنا بهيه الحــــاملي الكنز التمين
‎وعنا عصام الصار بين الخالدين
​​وسامي عم يكفي طريق المبدعين
‎والابجديـــــــــــه والعقول الملهمين ​​
وجبيل وشطوط البحور الساجدين
‎مهمــــــــــا تزيد الهرطقه لا تفزعو
​​لبنــــــــــــان بــــــالكلمه جبينو بيرفعو
‎وبدو يضل الشعر مرفوع الجبين
**