ـ1ـ
كل المجد ليّا
ويضحك جبين العز
تنده مجدليا
شربل يا عينيّا
شامخ شموخ الأرز
ـ2ـ
كان الشعر خبز الدفا
ومطحون قمحو جرار
ب بيوتنا ربي الوفا
ربينا ع مدرسة الصفا
من يوم كنا زغار
ـ3ـ
وزغار نرسم عالرمل
مشوار
مشوار مشغول من شوق وبكي
ونزيّح التذكار
ت نلم الشمل
ونكلل بيوت الشعر
بالغار
ـ4ـ
"وشربل" كبر
وكبرت ب قلبو مطارح التذكار
"زاروب الكنيسة"
"جورة بصل"
"والدار"
ويتمرجح المشوار
بين "تل الدهب"
"ونوفل" "وعازار"
"وخيمة المختار"
"وحقلة كرم"
"ضهرة الفوار"
ويتنهد الختيار
بعدا ببالو غصة الختيار
ـ5ـ
وشربل هجر
حامل ب عبو خبار
معرض صور
عن ضيعتو اللي حبها
دفتر زهر
أشعار
ألّف ب سيدني ضيعتو
عرّف بحالو
قال
وجي انا
كسرة عتابا جبهتي
بحار
مشغول من حبر وورق
وزنار
خصري
روزنا
موشح
معتٌق
ع وزن خمار
ومجدليا تندهك
وينك يا ابنا البار؟
ـ6ـ
وقفتني
احكي شعر
ب حضرة الشعار
اسمن ع جايزتك
ورد وقمار
وينك تعا
توج مجالس شعرنا بالغار
فخري أنا
اني ابن ضيعة مجد
من اسمها وتاريخها بيغار
حتى الشعر
حتى الوقت
حتى المجد بيغار
بفرح انا لما صليبي
يبارك الزوار
مية مسا عالحاضرين
والغايبين
عزرن معن
ما أصعبو
حزن الوقت
لو جار
ـ7ـ
مية مسا عالحاضرين
والغايبين
وبسأل يا رب العالمين
تبارك بلدنا
وتفلش أمانك عالدني
ويبقى الشعر
تاج الممالك والوقت
صامد لدهر الداهرين
أمين
**
الخوري عبود جبرايل
مجدليا في 29 ايلول 2017
**
